jueves, 14 de noviembre de 2019

MES DA CIENCIA EN GALEGO

Outro ano máis ten lugar a celebración do MES DA CIENCIA EN GALEGO NAS BIBLIOTECAS. Iníciase esta actuación coa elección dunha imaxe e a difusión dun texto, a modo de Manifesto, da científica Alicia Estévez Taranzo que resalta a importancia das bibliotecas " para que moitos dos coñecementos rigorosamente contrastados sexan accesibles ao público". Aquí vos deixamos o enlace: 


O EDNL xunto coa Biblioteca propuxo que, tanto E.P. como ESO, aproveitasen os contidos que estaban a traballar nas asignaturas de Ciencias e montasen un mural para expoñer no edificio principal. 

Os alumnos e alumnas de 4° EP elaboraron unhas fichas informativas que recollen as características máis peculiares de diferentes animais. Tiveron que buscar e organizar a información eles mesmos coa axuda dunha tablet ou ordenador. Os debuxos tamén foron feitos por eles. Logo montaron un mural para relacionar cada debuxo co animal correspondente.



miércoles, 30 de octubre de 2019

DIGICRAFT NO TEU COLE

Este curso 2019/2020 participamos nun proxecto denominado " Digicraft no teu cole", un programa de formación e reforzo das habilidades dixitais e das competencias asociadas, deseñado pola Fundación Vodafone España para rapaces entre 6 e 12 anos. 

Grazas a axuda de Jose, as titoras de cuarto de Primaria animáronse e os rapaces xa están a traballar na creación dunha historia de forma diferente e divertida. Veredes os resultados moi pronto!






jueves, 24 de octubre de 2019

DÍA DA BIBLIOTECA ESCOLAR

Hoxe, 24 de outubro, celébrase o Día da Biblioteca Escolar. Esta conmemoración está impulsada dende 1997 pola Asociación de Amigos del Libro Infantil y Juvenil. 
Este ano, o Ministerio de Cultura e Deporte propón a incorporación do lema " aptas para todos os públicos", co obxectivo de salientar o papel das bibliotecas na promoción da igualdade de xénero. 
Ademais, este curso queremos que esta data coincida coa salida das mochilas viaxeiras rumbo ás casas das nenos e nenas. Puxemos en marcha doce, dúas por cada nivel de Primaria. Preparámolas con moito agarimo e esperamos que a selección de libros, revistas e películas vos gusten e gocedes en familia!

Lembra pasar pola biblioteca a coller un libro e un agasallo!






domingo, 13 de octubre de 2019

DÍA DE LAS ESCRITORAS


O día das escritoras é unha conmemoración promovida pola Biblioteca Nacional de España xunto á Federación Española de Mujeres Directivas, Ejecutivas, profesionales y empresariaS. (FEDEPE) e a Asociación cásicas e Modernas. Desde 2016 búscase reivindicar o labor e o legado das autoras a través da historia a partir da lectura de fragmentos representativos das súas obras. 

Esta celebración lévase a cabo o luns máis próximo á festividade de Teresa de Jesús, o 15 de outubro. A IV ediciéon celébrase este ano 2019 o 14 de outubro baixo o lema: "MULLERES, AMOR E LIBERDADE". O amor entendido dende a perspectiva das mulleres:"un territorio amplo, complexo, contradictorio, laberíntico, atravesado por luces e sombras, grandes paixóns, máis tamén as coitas", como explica Clara Sanchís, comisaria desta convocatoria.

Desde as bibliotecas escolares propomos que se visibilice a obra das escritoras galegas, ben a través dunha exposición de libros, ben lendo fragmentos dos mesmos nunha maratón literaria ou mesmo nos clubs de lectura.

Begoña Caamaño: Morgana en Esmelle
"Na comunide druídica achou a nena a vida que desexaba […] destacou pola súa intelixencia e sagacidade e polo seu amor e dedicación ao estudo".

A asesoría de Bibliotecas Escolares anima a que toda a comunidade educativa colabore na ampliación desta lista, e con este fin lánzase unha proposta en Twiter: lembrar a todas as escritoras galegas que traballen estas temáticas nas súas obras. Para iso usaranse os cancelos #DíadasEscritorasgalegas #DíadelasEscritoras e #bescolaresgal para darlles visibilidade.






O alumnado de 1º de ESO da materia de “Investigación e tratamento da información “ levaron a cabo con motivo desta data un traballo de investigación.  Localizaron libros escritos por mulleres na zona onde están os libros recomendados para a súa idade.

lunes, 7 de octubre de 2019

BIBLIOTECA ESCOLAR: VIVEIRO DE CIDADANÍA

O lema que propón a Dirección Xeral de Centros e Recursos ás bibliotecas escolares galegas para o presente curso 2019/2020 é "Biblioteca escolar: viveiro de cidadanía". O ilustrador do cartel é Óscar Villán (lembrades O coelliño branco?) e representa moi ben o mundo de posibilidades que se abren nunha biblioteca escolar viva, moderna, activa, ..como tentamos que sexa a nosa. 


sábado, 5 de octubre de 2019

VOLUNTARIADO NA BIBLIOTECA ESCOLAR

Outro ano máis contamos cun bo número de alumnos e alumnas de quinto e sexto de Primaria e primeiro e cuarto da ESO que voluntariamente nos axudarán nos recreos ao longo do curso. 
Algunhas das tarefas que realizarán son as seguintes:
    - facer empréstitos e devolucións de libros e películas 
    - localizar e colocar os libros nos diferentes andeis 
    - identificar os libros axeitados para idade 

Grazas rapaces!! 



martes, 1 de octubre de 2019

É HORA DE LER!

Por fin abriu a porta a nosa biblioteca! Comezamos o empréstito nos recreos, un momento que todos e todas estabades esperando. 
Lembrade que podedes vir buscar ese libro favorito ou que tes ganas de ler, algún exercicio que esqueciches facer na casa, estudar ou repasar para o exame de despois, coller unha película ou mesmo montar un LEGO ou crebacabezas. 
Esperámosvos con moitas sorpresas e novidades!