REMA 360º

O alumnado de 1º  e 2º de ESO, animado e acompañado polo profesorado de Ciencias Naturais de ESO, inscribiuse no CAMPEONATO ESCAPE REMA 360º. Un escape room virtual e físico para aprender da nosa cultura mariñeira.

https://www.redrema.eu/

BIBLIOTECA CREATIVA: FORMACIÓN

 Despois de repasar as propostas das Xornadas de Biblioteca Creativa no mes de novembro, pensamos que sería axeitado iniciarnos nalgún proxecto con compoñentes electrónicos.

Contamos con Paola Guimerans, que no ano 2013, comeza en España o Proxecto Aula Steam que ten como obxectivo integrar os téxtiles e a electrónica (e-téxtiles) dentro do sistema educativo. 

Durante a súa exposición, falounos dos espazos Maker que están xurdindo nas bibliotecas escolares e da educación STEAM, unha nova tendencia educativa que conxuga habilidades artísticas e creativas coa educación científica e tecnolóxica. 

Tamén houbo unha parte máis práctica: montamos un circuito eléctrico cunha cinta adhesiva conductora de cobre. 

Moitas grazas por compartir as túas ideas con nós! 

DÍA INTERNACIONAL DA MULLER TRABALLADORA

 Hoxe, 8 de marzo, celebramos o Día Internacional da Muller Traballadora. No edificio principal puxemos unha selección dalgúns libros que podedes atopar na biblioteca. Esperamos que vos gusten!  

Ademais, desde o CPI Cruz do Sar queremos render unha homenaxe a todas as mulleres da nosa comunidade invitando ao alumnado a que nos presenten a esa muller ou mulleres que están poñendo todo o seu esforzo para que en tempos de pandemia poidamos seguir coas nosas vidas. 

Para iso, propoñemos que o alumnado nos presente a súa nai, a súa avoa, irmá, tía..., a través dunha foto ou debuxo, acompañado por unhas palabras ou texto que expliquen o labor desa muller en tempos de pandemia.

O alumnado de terceiro de primaria tamén está a traballar algunhas biografías do libro "MUJERES" de Isabel Ruiz Ruiz. 

Podedes pinchar neste enlace e ver o vídeo en defensa dos dereitos das mullereres:

https://www.intered.org/yoparo/yo-soy-generacion-igualdad-3

DÍA DE ROSALÍA

Hoxe, 24 de febreiro,  é o Día de Rosalía e desde a biblioteca e o EDNL queremos convidarvos a celebralo co noso alumnado. 

No taboleiro da entrada do edificio A colocamos esta imaxe de Rosalía e logo, arredor, os traballos que faremos da súa obra e vida. 

En E.P. propoñemos que o alumnado traballe conxuntamente este día xunto co Día Mundial da Poesía (21 de marzo) coa lectura da poesía de Rosalía e compoñendo un/uns acróstico/s co nome de Rosalía de Castro. A idea é que cada titoría (ou cada alumno) faga un acróstico para logo expoñelos xunto ao cartel de Rosalía. 

Na ESO, o profesorado da materia de Lingua Galega, vai traballar o tema dentro da súa materia pero tamén fixeron acrósticos. 

Cando recollamos a exposición, formaremos un libro con todo o exposto que quedará na biblioteca a disposición de todo o alumnado. 

Quedaron moi bonitos! 

FOTOGRAFÍA MATEMÁTICA 2021

O concurso de fotografía matemática xa está convocado. Mirade ben as bases e preguntade aos vosos profesores de mates se tedes alguna dúbida. As datas para a presentación dos traballos ampliaránse hasta principios de marzo. Podedes inspirarvos mirando traballos doutros anos presentados ao concurso polo alumnado do CPI Cruz do Sar (a continuación das bases) 

FOTOGRAFÍA MATEMÁTICA CURSO 2019-2020

FOTOGRAFÍA MATEMÁTICA CURSO 2018-2019

FOTOGRAFÍA MATEMÁTICA CURSO 2017-2018

REVISTAS NA BIBLIOTECA. O PAPAGAIO

 Lembrade que na biblioteca podedes atopar cada mes "O Papagaio", un xornal para xente miúda. 

REVISTAS NA BIBLIOTECA II. ENGLISH JUNIOR