miércoles, 29 de diciembre de 2021

Postais de Nadal con circuitos de papel


Actividade dirixida ao alumnado de 1º de ESO na materia de RELIXIÓN.

Colaboramos a Biblioteca, o Departamento de Relixión e o Departamento de Tecnoloxía.

Esta actividade foi levada a cabo na biblioteca.

Propuxéronselle ao alumnado varios modelos de postais de Nadal con diferentes debuxos que tiveron que decorar ou colorear.

Na seguinte sesión vimos os vídeos que gravou a profesora de tecnoloxía  explicando como facer os circuítos eléctricos con cinta de cobre para que a postal contara con iluminación.

Na seguinte sesión elaboramos os circuítos e rematamos a postal que o alumnado levou para a súa casa.

jueves, 18 de noviembre de 2021

CONTACONTOS: O PAÍS DOS MANDÓNS

Hoxe, o alumnado de primeiro e segundo de Primaria participou nun contacontos infantil que a nosa biblioteca organizou na Senra. 

O libro escollido foi " O País dos Mandóns" de Cristina Justo. Neste país, mandan uns cantos sobre o resto e terá que cambiar algo porque teñen unhas normas moi inxustas.....
Ao finalizar, houbo unha quenda de preguntas onde comentaron a importancia da igualdade entre homes e mulleres. 

Moitas gracias Cristina por compartir un anaquiño do teu tempo con nós!

Lembrade que na biblioteca tedes algunha das súas obras: O segredo de Flora, 
A urna dos desexos, ...





 





miércoles, 27 de octubre de 2021

MOCHILAS VIAXEIRAS

Este curso retomamos a actividade das mochilas viaxeiras, parada o curso pasado pola COVID. 

A mochila viaxeira permite á biblioteca escolar estar en contacto coas familias. Dentro de cada mochila vai un listado co contido da mesma e un diario para que as familias colaboren expresando a súa opinión. 

Incluimos diversos materiais coma un cómic, un libro de poemas, unha biografía,  un CD de música, ...

Esperamos que vos gusten e gocedes deste momento en familia! 















lunes, 25 de octubre de 2021

24 DE OUTUBRO: DÍA DA BIBLIOTECA ESCOLAR

Desde 1997 celébrase o Día  das Bibliotecas Escolares, unha conmemoración impulsada pola Asociación de Amigos del Libro Infantil y Juvenil. 
A edición deste ano, baixo o lema " Bibliotecas: ler, aprender, descubrir" céntrase en destacar o papel das bibliotecas como espazos libres, diversos e abertos para o acceso á cultura e o coñecemento. 

Este ano quixemos celebralo colocando un punto móbil de lectura no patio para que os nenos e nenas puidesen coller algún libro, se lles apetece, durante os recreos.
A idea tivo gran acollida entre os rapaces polo que imos mantela durante o resto do curso.
Ademais, os voluntarios da biblioteca repartiron chapas deseñadas por nós para conmemorar un día tan importante.