martes, 10 de mayo de 2022

CLUB DE LECTURA ( I )

Iniciamos o segundo trimestre co Club de Lectura no que participan nenos e nenas voluntarios  de quinto e sexto de primaria e unha profe que colabora coa biblioteca que foi a artífice da súa posta en marcha. Foi creado para compartir o gozo de ler e as emocións, reflexións e vivencias a través da lectura. 

Xúntanse os venres na biblioteca durante o segundo recreo e dez minutos máis que lles prestan os titores de cada curso. 

Comenzaron lendo " A lección de August" de Raquel Jaramillo Palacio. August ten dez anos, é fanático da Guerra das Galaxias e nunca foi ao  colexio pois naceu con síndrome de Treacher Collins, un trastorno xenético determinado por malformacións craneofaciais.  Os seus pais o tratan coma un neno pequeno sobreprotexido e a nai é a encargada da súa educación polo que non asiste ao colexio ata os estudos de Secundaria.

Que pasará cando accede a ir? 

Como actividade final, a maquilladora de distintos anuncios e series da TVG, Yolanda Sousa (Fuchica na testa), "deformou e afeou o rostro" dun dos nosos lectores.



                




viernes, 25 de marzo de 2022

PREMIO VII CONCURSO DE TRABALLOS POR PROXECTOS

Esta iniciativa, integrada no Plan LÍA de bibliotecas escolares (Lectura, Información,  Aprendizaxe) busca recoñecer aquelas experiencias que aproveitan os recursos da biblioteca escolar, ao tempo que estimulan o uso desteinstrumento educativo para o desenvolvemento de contidos curriculares, asi como a adopción de metodoloxías activas e colaborativas. 

Desde a biblioteca, queremos agradecer o traballo realizado ás familias, ao alumnado e ao profesorado implicado, en especial a Jose  por coordinar o proxecto. 

Parabens!!! 



martes, 8 de marzo de 2022

8 DE MARZO: DÍA DA MULLER TRABALLADORA


O 8 de marzo reivindica os dereitos das mulleres baixo o lema "Igualdade de xénero hoxe para un mañá sostible". Lembramos a importancia de educar na igualdade, no respecto e na tolerancia.

Desde a biblioteca, fixemos unha selección de libros e lecturas para traballar nas aulas.



O alumnado de cuarto de primaria baixou a traballar con eles xa que están a investigar sobre diversas mulleres protagonistas da historia, ademais de facer unha ilustración de cada unha delas. 
 


 











miércoles, 23 de febrero de 2022

23 DE FEBREIRO: DÍA DE ROSALÍA

 

Na biblioteca temos preparado un agasallo para os usuarios que leven un libro en préstamo no DÍA DE ROSALÍA.



Tamén estarán dispoñibles  os crebacabezas con información da vida e obra de Rosalía de Castro e unha ficha para completar despois de rematalos.


FICHA








23 DE FEBREIRO: DÍA DE ROSALÍA (II)

Un ano máis, conmemoramos o Día de Rosalía de Castro, poeta galega que representa como ningunha outra o sentimento de pertenza á nosa Terra. 

Ademais das lecturas que cada curso fixo nas súa aula, desde a biblioteca preparamos unha ficha sinxela con información básica sobre a súa vida e obra para traballar dun xeito máis lúdico, a través duns quebracabezas.

O alumnado de cuarto de primaria baixou á biblioteca, organizáronse por grupos e foron montando os quebracabezas para logo completar a ficha de Rosalía. Ao rematar, fixeron unha posta en común entre todos.













lunes, 14 de febrero de 2022

CONTACONTOS: ÉRICA ESMORÍS

Hoxe visitounos Érica Esmorís, escritora galega nada na A Coruña. A rapazada de cuarto de primaria gozou deste encontro coa autora que conversou con eles sobre o seu libro "Patio de luces" co que gañou o XI Premio de Narrativa infantil Ciudad de Málaga.

Os nenos e nenas estaban visiblemente emocionados xa que mercaran e leran o libro nas aulas durante a "Hora de Ler". Conectaron desde o comezo coa escritora, fixéronlle moitas preguntas e contestaron as que ela lles  plantexou. Ao rematar, asinoulles o libro a tod@s incluído un exemplar para a nosa biblioteca. 

Moitas grazas Érika!