Un ano máis co gallo do Día do Libro, dende a Biblioteca propoñemos a celebración dun AMIGO INVISIBLE entre o profesorado. A participación é voluntaria.
O agasallo ten que ser un LIBRO USADO preferentemente en galego, que entregaremos ao compañeiro ou compañeira que toque mediante un sorteo que se ralizará via e-mail.
O intercambio de libros será o mércores 29 de abril no segundo recreo na biblioteca.
Durante unha semana, o alumnado de cuarto de primaria realizou un traballo de investigación sobre distintas mulleres científicas que deixaron a súa pegada na historia.
O máis especial desta actividade foi o xeito de traballar: os nenos e nenas buscaron a información directamente nos libros da nosa biblioteca, aprendendo a investigar, seleccionando datos importantes e descubrindo como atopar respostas máis aló de Internet.
Cada grupo elixiu unha muller diferente e, pouco a pouco, foron descubrindo aspectos da súa vida, as súas investigacións e as dificultades que moitas delas tiveron que superar para poder dedicarse á ciencia.
Ademais de aprender contidos científicos, o proxecto serviu para fomentar a lectura, o traballo en equipo, a autonomía, ...consultaron libros divulgativos, biografías e tomaron notas.
Demostraron un gran interese e entusiamo, demostrando que investigar tamén pode ser unha aventura apaixoante cando se fai con curiosidade e ansias de aprender.
Parabéns polo traballo realizado!!
