Como cada ano, desde a Biblioteca, mandamos ás casas das familias a guía das recomendacións lectoras para agasallar nestas festas.
sábado, 22 de diciembre de 2018
CONSTRUÍNDO " CÚPULAS AUTOSOSTIBLES"
A semana pasada o alumnado de quinto de Primaria tivo unha actividade diferente (e tan diferente...). Puideron construír estructuras ideadas por Leonardo da Vinci: " cúpulas autosostibles". Estas estructuras levántanse sen ningún tipo de subxección e se manteñen unidas grazas ao seu propio peso e a acción da gravidade.
Son, por tanto, estructuras recíprocas nas que os elementos que as compoñen están apoiados entre sí.
O mestre fixo grupos de seis ou sete nenos e facilitoulles unha folla cun modelo de cúpula e unhas instruccións breves. A construcción e utilización deste recurso educativo esixe un traballo cooperativo, de imaxinación espacial de seguimento dun patrón, ... ademais de ser unha proposta innovadora que mestura conceptos relacionados coa xeometría, arte e historia.
Foi un ÉXITO!
viernes, 30 de noviembre de 2018
NOVEMBRO: MES DA CIENCIA EN GALEGO NAS BIBLIOTECAS ESCOLARES
Durante todo o mes de novembro celebrouse o mes da ciencia en galego nas bibliotecas escolares. Nós tamén quixemos unirnos e, dende a Biblioteca e Dinamización Lingüística, propuxemos a creación dun gran abecedario científico para facer un mural xigante que se montou no edificio principal.
O traballo consistiu en que cada grupo preparase, a través da búsqueda de información na biblioteca, a biografía e traballo dun os varios científicos da letra que se lles asignou.
O alumnado de ESO seguiu a proposta da profesora de matemáticas: a creación dun poema utilizando termos matemáticos. Non tiveron límite de extensión, so a recompensa de recibir 0,25 puntos máis na avaliación final de dúas asignaturas: matemáticas e lingua.
Fixeron un cartel promocional: " Mates e lingua únense para crear o concurso do ano: o poema matemático".
Puxeron a proba os seus coñecementos e desafiaron as súas dotes creativas ...
jueves, 29 de noviembre de 2018
BIBLIOTECAS CREATIVAS
Este ano participamos no progrma Bibliotecas Creativas o que quere dicir que, entre outras cousas, recibimos catro escornabots para poder iniciar na robótica aos alumnos do centro. Despois de acudir ao curso de formación, os alumnos montaron os robots.
Comenzamos cos máis pequenos, 1° e 2° de Educación Primaria, e unha actividade chamada A Familia. Os xogadores deben localizar e recoller as tarxetas cos membros da familia que corresponden coa súa. Unha vez que conseguen as tarxetas, deben falar brevemente da súa familia e facer unha pequena descripción. Para rematar, deben dirixir o escornabot á casa.
O xogo pode complicarse de distintos xeitos: engadindo tarxetas de cor que se considerarán obstáculos, realizar os movementos segundo os números dun dado, ...
Tamén preparamos unha actividade para os máis maiores que ten a forma dun xogo de estratexia.
Os nenos e nenas de 2° de E.P. puxéronse mans á obra e están a facer diferentes plantillas para xogar cos escornabots.
miércoles, 7 de noviembre de 2018
OBRADOIROS DE CONSUMO E PUBLICIDADE
Onte tiveron lugar nas aulas e na biblioteca varios obradoiros de consumo e publicidade impartidos pola Escola Galega de Consumo. Estas actividades están dirixidas a todos os nenos e nenas de Ed. Primaria coa finalidade de impulsar e desenrolar a educación e a formación das persoas consumidoras.
Traballaron dun xeito práctico diferentes temáticas como a publicidade, xoguetes, consumo, información que aparece nunha etiqueta, ... que conforman o consumo responsable.
- 1° Ed. Primaria: os nenos e nenas deste nivel participaron activamente nunha charla moi motivadora sobre a igualdade na publicidade. Fixo que se decatasen de que a publicidade non conta toda a verdade e que os anuncios fan que queiran cousas sen pensar , por copiar o que sae nelas.
- 2° Ed. Primaria: primeiro repartíronlles unhas láminas con cousas que tiñan que clasificar como xoguetes ou non xoguetes (por exemplo: bici, balón, colar, puzle, consola, ...). Finalmente, fixeron un xoguete: unha medusa (con pratos de cartón e tiras de cores de papel seda e pinocho e gomets. Unha vez rematados, puxéronlles a etiqueta feita por eles.
- 3°-4° Ed. Primaria: o alumnado destes niveis traballou os contidos relacionados coa publicidade ( música, cores, slogan). Visualizaron un par de vídeos de anuncios publicitarios para comprender mellor a linguaxe e os recursos utilizados e, por grupos, elaboraron un anuncio que ao final tiveron que expoñer.
- 5°-6° Ed. Primaria: traballaron no obradoiro de consumo, acerca de información que debe aparecer nunha etiqueta.
Ū
miércoles, 31 de octubre de 2018
SAMAÍN
O mércores pasado celebramos o Samaín, festa coa que os celtas celebraban o paso do ano e a fin das colleitas. Coincidía coa noite do 31 de outubro ó 1 de novembro e era o momento no que as ánimas dos mortos retornaban ás súas casas para visitar aos familiares aínda vivos.
A Biblioteca xunto co EDNL, propuxo varias actividades:
- PORTAS DE MEDO: para godo o alumnado do centro. Cada titoría decorou a porya da súa aula co tema do Samaín ou Magosto.
-DEBUXAMOS DE MEDO: para o alumnado ata terceiro de Ed. Primaria. Entre todos os debuxos presentados, escollerase algún co que se elaborará o adhesivo de Samaín deste curso.
- RELATOS TERRORÍFICOS: para o alumnado de 3° a 6° de Ed. Primaria e Secundaria. Poderán presentarse relatos escritos ou en vídeo.
- CAIXA DOS MEDOS: preparamos tarxetas para que os nenos e nenas, de xeito anónimo, escribisen cal é o seu maior medo, que logo depositaron na "Caixa dos Medos" que se colocou na biblioteca. Logo fixemos unha selección dos máis curiosos para expoñer.
- EXPOSICIÓN DE CABAZAS: con todas as cabazas decoradas, montamos a tradicional exposición.
Moitas GRAZAS a tod@s pola vos participación!
jueves, 25 de octubre de 2018
DÍA DA BIBLIOTECA ESCOLAR
Hoxe, 24 de outubro, celébrase o Día da Biblioteca Escolar. Nesta data tan sinalada, queremos publicar o vídeo que gravaron na biblioteca a finais do curso pasado, sendo o noso centro un dos catro que empezou o proxecto Plan Lía 2.0.
Este vídeo foi publicado na páxina de Bibliotecas Escolares de Galicia xunto co dos outros tres colexios que participaron neste Plan.
Esperamos que vos guste! Moitas grazas a tod@ s os que participastes!
Ademais, coincidindo con este día, o alumnado de Primaria recomendou un libro que lles gustou a través do debuxo que fixeron da súa portada; e os de Secundaria fixeron unha crítica curta de cada libro.
Suscribirse a:
Entradas (Atom)
-
Un novo curso na biblioteca e moitas tarefas nas que o voluntariado colabora para que todo funcione mellor.
-
Despois de repasar as propostas das Xornadas de Biblioteca Creativa no mes de novembro, pensamos que sería axeitado iniciarnos nalgún prox...







































