FOTOGRAFÍA MATEMÁTICA DENDE A CASA. TRABALLOS

FOTOGRAFÍA MATEMÁTICA DENDE A CASA

https://www.xatakafoto.com/trucos-y-consejos/que-fotografia-matematica-ejemplos-consejos-para-perfeccionarla

Relanzamos o noso concurso de fotografía matemática, este curso de maneira atípica como todo. Cambiaremos o formato de concurso por participación voluntaria e publicación de todos os traballos neste blog.

O artigo enlazado ao início desta entrada e tamén na imaxe explica perfectamente a idea coa que iniciamos este concurso no CPI Cruz do Sar.

Normalmente dirixido ao alumnado a partir de 4º de EP hasta 4º de ESO, NESTA OCASIÓN  gustaríanos extender a CONVOCATORIA  ao PROFESORADO e aos PAIS E NAIS de todo o alumnado que poderían participar axudando aos seus fillos e tamén de maneira individual.

As bases para a participación seguen a ser as mesmas que as do concurso organizado polo Departamento de Matemáticas e a biblioteca do CPI Cruz do Sar. Están a continuación.

(O ALUMNADO QUE XA ENTREGOU A SÚA IMAXE NA BIBLIOTECA ANTES DO CONFINAMENTO QUE VOLVA A ENVIALA, SE PODE AO CORREO DA BIBLIOTECA. SE NON LLE É POSIBLE VOLVER A ENVIALA, QUE SE POÑA IGUALMENTE EN CONTACTO PARA QUE INTENTEMOS RECUPERALA.)

PÁXINAS WEB E RECURSOS PARA ACHEGARSE Á FIGURA DE CARBALHO CALERO

 

                                               

RECURSOS CON MOITA LIX PARA FICAR NA CASA

A Asociación Galega do Libro Infantil e Xuvenil (Gálix) presenta o PADLET "Recursos con moita LIX para ficar na casa", onde se recopilan recursos dixitais para que os cativos e as cativas pasen un confinamento na casa máis entretido. Trátase de diferentes iniciativas aptas para todas as idades, dun xeito sinxelo de consultar.

Acceso á ligazón:

https://padlet.com/galixblog/vy936q0zcf68

https://www.edu.xunta.gal/portal/node/30949

VIDEO DIA DO LIBRO

LUZ POZO GARZA

Hoxe expresamos un fondo pesar polo pasamento de Luz Pozo Garza na Coruña, cidade na que vivía dende finais dos anos 80. 

A poeta, ensaísta e catedrática de literatura de ensino medio formaba parte da RAG dende 1950, cando só con 28 anos foi nomeada membro correspodente e, dende 1996 era académica de número.

É unha das voces esenciais das letras galegas na segunda metade do século XX, renovadora tanto na temática abordada coma na forma. 

En 2019 publicou o seu último libro Pazo de Tor, un libro de homenaxe ás raíces familiares pola vía materna. 

A poesía de Luz Pozo bebeu con frecuencia da fonte de Rosalía de Castro, á quen rendeu homenaxe en obras como Vida secreta de Rosalía (1996) e tamén no seu discurso de ingreso na RAG como académica de número, Diálogos con Rosalía, a primeira intervención deste tipo escrita no código da poesía.

Morre unha gran poeta máis non morre a súa poesía. D.E.P. 

" Eu era aquela nena

que medraba na mariña lucense

absorta entre dous ríos benamados

o leste dun Edén apendendo as estrelas".

Dende aquí, mandamos un agarimoso abrazo a súa filla, Luz Pozo, compañeira do noso centro durante varios anos. 

CELEBRAMOS O DÍA DO LIBRO?

Anímaste a celebrar o “DIA DO LIBRO” dende a túa casa?

O Día do Libro é un dos días favoritos da biblioteca do CPI Cruz do Sar.

Sabías que nesta data (23 de abril) se conmemora o falecemento de Cervantes e Shakespeare? E que a UNESCO promove esta celebración coa intención de fomentar a lectura, defender e protexer a industria editorial e os dereitos de autor?

E ti, que libro estás a ler estes días de “quedar na casa”?

Compárteo con nós.
Grava un video breve falando do libro que estás a ler (tamén pode participar a túa familia). Se non queres gravar un video manda unha imaxe ao correo da biblioteca bibliotecacruzdosar@gmail.com  

Recibide moito ánimo do equipo da biblioteca e sede conscientes de que estamos a facer algo moi importante quedando na casa.