lunes, 12 de octubre de 2026

LIBROS PARA AS BIBLIOTECAS DE AULA EP



Na biblioteca xa estamos mans á obra! Estes días estamos seleccionando e preparando os libros que formarán parte das bibliotecas de aula.

Para facelo, estamos tendo moi en conta as preferencias e intereses do noso alumnado porque queremos que os libros que cheguen ás aulas sexan tamén unha invitación a ler, descubrir e gozar. 

Cada aula contará así cunha selección variada de historias, aventuras, álbumes ilustrados, libros informativos, poesía, ...un pequeno recuncho lector pensado para cada grupo. 

Cremos que ter os libros preto é o primeiro paso para achegarnos á lectura e, se ademais podemos escoller aqueles que máis vos gusten...moito mellor!

Seguimos traballando para encher as nosas aulas de historias!




domingo, 10 de mayo de 2026

AMIGO INVISIBLE PROFES_CELEBRACIÓN DO DÍA DO LIBRO 2026

 



  



Un ano máis co gallo do Día do Libro, dende a Biblioteca propoñemos a celebración dun AMIGO INVISIBLE entre o profesorado. A participación é voluntaria.

O agasallo ten que ser un LIBRO USADO preferentemente en galego, que entregaremos ao compañeiro ou compañeira que toque mediante un sorteo que se ralizará via e-mail. 

O intercambio de libros será o mércores 29 de abril no segundo recreo na biblioteca.